Өвөрхангай аймгийн хөдөлмөр, халамжийн үйлчилгээний нэгдсэн портал
Урсдаг зар:
  • Иргэн та цаг хугацаагаа хэмнэж цахим үйлчилгээг ашиглаарай ehalamj.mn Дэлгэрэнгүй...
  • Та яг одоо Нийгмийн халамжийн нэгдсэн систем болох www.ehalamj.mn -д цахимаар дансаа бүртгүүлээрэй.
ЗАЛУУЧУУДЫГ ХӨДӨЛМӨРТ БЭЛТГЭХ “ОРОЛЦОО” ТӨСӨЛД ХАМРАГДАХААР СОНГОГДСОН ЗАЛУУЧУУД 14 ХОНОГИЙН ВАКУМЖУУЛСАН СУРГАЛТАНД ХАМРАГДАХААР УБ ХОТЫГ ЗОРЬЛОО.
  • 2021.09.02
ЗАЛУУЧУУДЫГ ХӨДӨЛМӨРТ БЭЛТГЭХ “ОРОЛЦОО” ТӨСӨЛД ХАМРАГДАХААР СОНГОГДСОН ЗАЛУУЧУУД 14 ХОНОГИЙН ВАКУМЖУУЛСАН СУРГАЛТАНД ХАМРАГДАХААР УБ ХОТЫГ ЗОРЬЛОО.

“Оролцоо” төслийн бүртгэл 8 сарын 16-22-ны хооронд явагдаж, Өвөрхангай аймгийн хэмжээнд нийт 225 залуучууд бүртгүүлснээс 103 залуу эцсийн байдлаар сонгогдож төслийн нэгдүгээр ээлжийн сургалтанд хамрагдахаар УБ хотыг зорьж байгаа юм. Төсөлд бүртгүүлж сонгон шалгаруулалтад оролцож тэнцсэн залуучууд маань бусад аймгаас ирсэн залуусын хамт 14 хоногийн хугацаанд хүний хөгжлийн цогц сургалтад хамрагдаж ирсний дараа үе шаттайгаар ажлын байранд зуучлагдах юм. Залуучуудыг нэгдсэн зохион байгуулалтаар халдвар хамгааллын дэглэмийг өндөр түвшинд мөрдөн ковидын шинжилгээ болон эрүүл мэндийн үзлэгт хамруулж, сургалтын төвүүдэд хуваарилан сургалтанд хамруулна. Монгол Улсын Засгийн газрын “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний 2.6 дахь заалт болон 2021 оны 58 дугаар тогтоолоор батлагдсан залуучуудыг хөдөлмөрт бэлтгэх “ОРОЛЦОО” төслийн хүрээнд нийт 5000 гаруй залуусыг хувь хүний цогц сургалтад 12 ээлжээр хамруулан хөдөлмөрт бэлтгэх юм.


Бусад